Númberu 104. Xineru 2014

COLA ALHUHADA

AL PLENU

El Gobiernu ve una «estrategia

de desgaste» que los debates

duren hasta altes hores

Xineru 2014 / Carreño 

P. FERNÁNDEZ (Candás)

 

L’orde del día, documentos que resumen lo tratao nes comisiones, móviles, tabletes y bolígrafos nun sedrán los únicos oxetos que llevarán los políticos de Carreño a los Plenos. Como la cosa siga asina, ¿acabarán llevando tamién un «tupper» pa engañar al estómadu o una almuhada pa echar un pigazu? 

 

Y ye qu’últimamente los debates allárguense hasta altes hores de la nueche énte la desesperación del equipu de gobiernu, que ve una «estratexa de desgaste» encamentada pola oposición. Sicasí, la otra parte entiende que falar y hasta discutir ye la máxima espresión de la democracia. «Los concejales estamos para debatir y no solo para levantar la mano», razona Ramón Artime de la Unión Independiente de Carreño (UICA). Nun ye de la mesma opinión Roberto Holgado, de Compromisu por Carreño (CPC). «Son infumables. La última selmana enantes de los Plenos presenten diez mociones per vía d’urxencia, colo que vulneren el drechu del restu de conceyales a estudiar los temes que cinquen a Carreño». 

Vasos de café dempués d’una de les últimes sesiones de 2013. (P. F.)

Pero’l que presenta los documentos tien más que dicir y nun-y fadia quedar ensin cenar. «Llevamos acumulados varios ruegos y preguntas debido a la duración de los Plenos. Esperamos plantearlos en las próximas sesiones», diz José Ramón Fernández Gutiérrez, del Partido Popular (PP). El tiempu ye relativu según al que se consulte. «Está siendo la mejor legislatura de los últimos años. La oposición hace un gran trabajo. Ángel Riego da hasta cinco turnos de réplica a los suyos (PSOE y CPC) cuando la polémica le interesa», subraya Artime.

1/6

La palabra de Peñas

¿Sabe de algún acto en la Comarca y quiere que lo publiquemos? ¿Tiene alguna queja, inquietud o sugerencia?

EL FARO

DE GOZÓN Y CARREÑO

Sede Social:

Calle El Cueto, 14, 3º Izq.

33430 Candás

Carreño (Asturias)

Teléfono: 985 87 25 48

Móvil: 687 979 619

e-Mail: elfaro@elfaro.as

 

DEPÓSITO LEGAL:

LU-305/05

 

Páxines n'asturianu espublizaes cola ayuda de la Conseyería de Cultura del Principáu d'Asturies

© 2005-2021 por VENTURA Y EL FARO S.L. • Prohibida su reproducción total o parcial, aún citando su procedencia, salvo permiso expreso.