Númberu 107. Abril 2014

«Santarúa» conversa con un descendiente d’Antón nel museo. (JOAQUÍN FERNÁNDEZ)

La Marinera vuelve a llucir nel 25 aniversariu del Muséu Antón

«Santarúa» ye l’únicu escultor local, xunto con Antón,

presente en «25 en 25», esposición conmemorativa

Abril 2014 / Carreño

PAULA FERNÁNDEZ (Candás)

 

La Marinera, escultura más emblemática d’Antón (Antonio Rodríguez García) volverá a llucir con motivu del 25 aniversariu del Muséu Antón. El centru candasín festexa les sos bodes de plata cola esposición «25 en 25», qu’axuntará obres de 25 artistes asturianos. Los trabayos tarán nel centru de la cai Santolaya dende’l 27 de xunu hasta finales d’agostu. Vicente Menéndez Prendes «Santarúa» ye l’únicu artista local, xunto con Antón, presente nesta muestra conmemorativa. 

 

«25 en 25» compondráse de pieces d’artistes que pasaron pel Muséu Antón como Amador Rodríguez (del qu’hai una obra nel parque qu’arrodia’l muséu), César Montaña, Joaquín Rubio Camín, Legazpi, José Luis Fernández, José de la Riera, Redruello, Javier del Río, Francisco Fresno, Joaquín Jove y Julián Bravo. Pa otros sedrá la so primer vegada como Faustino Goico Aguirre, Víctor Fernández Puente, Covadonga Romero, Joaquín Vaquero Turcios, José María Navascués, Armando Pedrosa, Fernando Alba, Herminio, Eugenio López, Ignacio Bernardo, Adolfo Manzano y María Jesús Rodríguez.

 

Esti sedrá l’actu central d’una serie d’actividaes que l’Ayuntamientu organizó pa celebrar el cuartu de siglo d’un muséu qu’abrió les puertes un 13 de xunu de 1989, coincidiendo cola festividá de San Antonio. Dolores Villameriel, la so directora, destaca la diversidá de les obras qu’habrá nestos meses estivales. «Es una exposición muy heterogénea y enriquecedora porque ha habido mucha riqueza artística en ese medio siglo.

 

Va desde lo figurativo a estructuras de carácter geométrico, la abstracción. Da una visión del discurrir de los artistas, que buscaban sus propias expresiones personales. También se verá la riqueza de materiales, desde el bronce o hierro a otros como el cartón, vidrio o la madera», describe.

 

La directora fai tamién una valoración d’estos 25 años. «Es un museo consolidado que está bien valorado por los artistas. No se cierra en sí mismo en la colección permanente, tiende a abrirse y a difundir el arte contemporáneo, del tiempo en el que vivimos», ensalza.

 

MÚSICA Y NEÑOS

El 25 aniversariu del Muséu Antón tamién tendrá un ciclu de conciertos de primavera al cargu del conservatoriu de música d’Avilés. Fadránse na sala d’Antón el 26 abril, 17 de mayu (como homenaxe al Día Internacional de los Museos) y el 7 de xunu.

 

La biblioteca municipal de Candás homenaxeará, de la mesma manera, a la figura d’Antón. El concursu de marcapáxines versará esti añu sobre cómo ven al Muséu los neños d’ente ocho y doce años. Los escolinos de Carreño participarán amás nun taller nel que retratarán al pueblu. «Cada uno haría pequeños bocetos de retratos según su nivel educativo. La exposición de sus trabajos será del 1 al 22 de junio», conseña Dolores Villameriel.

L'Aniversariu tendrá un ciclu

de conciertos de primavera al cargu

del conservatoriu de música d'Avilés

1/6

¿Cómo leer la

edición impresa

de EL FARO?

La palabra de Peñas

¿Sabe de algún acto en la Comarca y quiere que lo publiquemos? ¿Tiene alguna queja, inquietud o sugerencia?

EL FARO

DE GOZÓN Y CARREÑO

Sede Social:

Calle El Cueto, 14, 3º Izq.

33430 Candás

Carreño (Asturias)

Teléfono: 985 87 25 48

Móvil: 687 979 619

e-Mail: elfaro@elfaro.as

 

DEPÓSITO LEGAL:

LU-305/05

 

Páxines n'asturianu espublizaes cola ayuda de la Conseyería de Cultura del Principáu d'Asturies

© 2005-2021 por VENTURA Y EL FARO S.L. • Prohibida su reproducción total o parcial, aún citando su procedencia, salvo permiso expreso.