Númberu 107. Abril 2014

35 persones recordaron vieyes hestories de les regates d’antaño. (J. A. LOZANO)

El Naútico ríndese a «Poquito»

Álvaro Rodríguez recibe con modestia un homenaxe

na XIII Gala de Veteranos del Remo del club lluanquín

Abril 2014 / Deportes

J. ÁLVAREZ LOZANO (Lluanco)

 

35 persones arroparon a Álvaro Rodríguez Rodríguez «Poquito» na XIII Gala de Veteranos del Remo del Club Náutico de Luanco que se celebró’l 7 de marzu nel Restaurán Guernica. L’homenaxeáu agradeció emocionáu’l reconocimientu recibíu indicando con modestia que nun yera merecedor del mesmu pol pocu tiempu que practicó’l remu, yá que depués de tres años pasó al fútbol. El conceyal de Deportes, Manuel Alberto Martínez Matias, invitáu a la celebración, entregó-y la placa conmemorativa.

 

El programa d’actos tamién incluyó una misa a les siete y media de la tarde polos remeros, directivos y simpatizantes fallecíos. Tres disfrutar d’unos vasos de vinu pela capital del conceyu, alredor de les diez de la nueche, entamó la tradicional cena de confraternización na que se recordaron vieyes hestories de les regates d’antaño. Amás, rifáronse unos regalos ente los asistentes gracies a la colaboración inestimable de dellos establecimientos y d’un particular sociu del club. El pack yera un xamón ibéricu, dos botelles de vinu, una docena de pasteles y una caxa de bombones.

 

El Náutico ta en procesu electoral al acabar la  etapa del presidente Javier Rodríguez Sirgo y la so Xunta Directiva. Tuvo abiertu’l plazu de presentación de candidatures hasta’l 30 de marzu. Si naide se presenta, Ana de Juan Frigola tará al frente de la entidá, y ye que yá llevó les riendes del mesmu la última temporada. Nun sedría una situación desconocida pa ella porque colaboró con Javier Rodríguez n’años anteriores y la pasada temporada col equipu senior compitiendo na lliga ARC-2. Amás, dirixó los temes almnistrativos y económicos del club. 

El conceyal de Deportes entregó-y la placa conmemorativa. (J. A. L.)

De primeres, el Naútico de Luanco va dar un xiru completu na parcela deportiva. El perpocu presupuestu provoca l’ausencia de remeros y d’un entrenador esperimentáu polo que nun va competir na ARC-2. Esta competición, con toles regates fuera d’Asturies salvo la que se celebraba en Lluanco supón munchísimos gastos que nun pue asumir anguaño. Por ello, centraráse más nes categoríes inferiores y nel bancu móvil. De toes formes, sí habrá embarcaciones nes lligues rexonales de trainerilles y bateles, pero cola mayoría de remeros de casa, de Gozón. Nos últimos años, deportistes de Castripol, Corvera y hasta de la vecina Cantabria reforzaron al equipu Senior.

 

Presentará dos tripulaciones nes mentaes lligues rexonales, una senior y otra combinada con remeros tres cadetes y dos xuveniles fémines. Tamién los deportistes más mozos disfrutarán de les competiciones d’ergómetru. 

 

El club tien tamién la idea d’organizar una regata de traineres senior pa promocionar esti deporte nel próximu branu, yá que foi suspendida la tradicional regata qu’había nes fiestas del Socorro por mor del mal tiempu.

1/6

¿Cómo leer la

edición impresa

de EL FARO?

La palabra de Peñas

¿Sabe de algún acto en la Comarca y quiere que lo publiquemos? ¿Tiene alguna queja, inquietud o sugerencia?

EL FARO

DE GOZÓN Y CARREÑO

Sede Social:

Calle El Cueto, 14, 3º Izq.

33430 Candás

Carreño (Asturias)

Teléfono: 985 87 25 48

Móvil: 687 979 619

e-Mail: elfaro@elfaro.as

 

DEPÓSITO LEGAL:

LU-305/05

 

Páxines n'asturianu espublizaes cola ayuda de la Conseyería de Cultura del Principáu d'Asturies

© 2005-2021 por VENTURA Y EL FARO S.L. • Prohibida su reproducción total o parcial, aún citando su procedencia, salvo permiso expreso.