Númberu 109. Xunu 2014

Una vecina pagó 15.000 euros p’acceder a la so casa de Bañugues

Priscila Elidia García costeó la obra del camín que da a la so finca pa que pudieren pasar los coches

Xunu 2014 / Gozón 

PAULA FERNÁNDEZ (Bañugues)

 

Una vecina pagó 15.000 euros pa poder acceder a la so casa, allugada nel barriu de La Ribera (Bañugues). La finca, nomada «San Nicolás», quedó ensin entrada en coche porque nel so día obligaron a la propietaria a dexar llibre’l regueru pel que pasaba agua pluvial. Depués de «más de dos años» de dir y venir a los Tribunales, la Confederación Hidrográfica del Cantábricu (CHC) permitió a Priscila Elidia García rellenar el cachu de terrén qu’enantes-y ficieren dexar al descubiertu.

 

 Nesti tiempu, la vecina nun podía entrar en coche a la so finca porque’l pasu medía poco más d’un metru. Priscila Elidia necesitó un abogáu pa iguar l’asuntu, que-y cobró unos 8.000 euros pol so serviciu. A esti dineru hai qu’amestar otros 6.000 euros, aproximadamente, que costó la obra. Pero los problemes pa esta vecina de Bañugues nun acabaron. «Tuvimos muchas complicaciones porque nos pedían arena de río ecológica que hubo que ir a buscar a León, y además decían que los tubos por los que pasaba el agua eran muy pesados», relata la so fía Priscila. La obra nel barriu de La Ribera entamó hai unes selmanes, a pesar de que la CHC yá diere’l preste hai más d’un añu. El retrasu foi porque «a que hubo que esperar por varios permisos», comenten. 

 

Esti asuntu, abordáu por EL FARO en febreru de 2012, desencadenóse poles denuncies de los vecinos del bloque d’edificios que llenda cola carretera que va de Lluanco al Cabu Peñes porque reclamaben que’l regueru tenía que tar al aire llibre. 

Priscila lleva dos años de problemes por un camín. (P. F.)

La disputa vecinal saldóse con delles multes a Priscila que xuntes superen los 2.000 euros, amás de «intimidaciones» que recibió la muyer, según comentaron les sos fíes daquella. Estos problemes tampoco s’iguaron. «Están tirando a mi madre por los suelos. Decían que había hipotecado la casa para pagar la obra y es mentira», apunta la fía. 

 

Los descendientes de Priscila esperen agora que les alministraciones-yos dexen rellenar los 15 metros de regueru. «Nos dejaron hasta 13 metros y medio y los coches pasan muy ajustados», afiten. De la mesma manera, intentarán que la Demarcación de Costes recupere un camín de servidume allugáu al otru llau de la carretera. «Antiguamente se comunicaba con la playa, pero lo cerraron sin autorización», aseguren. 

 

1/6

¿Cómo leer la

edición impresa

de EL FARO?

La palabra de Peñas

¿Sabe de algún acto en la Comarca y quiere que lo publiquemos? ¿Tiene alguna queja, inquietud o sugerencia?

EL FARO

DE GOZÓN Y CARREÑO

Sede Social:

Calle El Cueto, 14, 3º Izq.

33430 Candás

Carreño (Asturias)

Teléfono: 985 87 25 48

Móvil: 687 979 619

e-Mail: elfaro@elfaro.as

 

DEPÓSITO LEGAL:

LU-305/05

 

Páxines n'asturianu espublizaes cola ayuda de la Conseyería de Cultura del Principáu d'Asturies

© 2005-2021 por VENTURA Y EL FARO S.L. • Prohibida su reproducción total o parcial, aún citando su procedencia, salvo permiso expreso.