Númberu 109. Xunetu 2014

BRAINSTORMING 

PAL TELEFÉRICU

La oposición propón que se faiga una lluvia d’idees pa cambiar d’usu l’antiguu cargaderu de Ensides

Xunetu 2014 / Gozón 

P. FERNÁNDEZ 

(Podes / Bañugues) 

 

El futuru del teleféricu en manes d’un «brainstorming». La oposición propón que l’Ayuntamientu convoque un concursu d’idees pa cambiar d’usu l’antiguu cargaderu d’Ensidesa, depués d’afitar el Plan Territorial Especial del Suelu de Costes (PESC) que l’inmueble allugáu en Podes pue convertise en restaurán. «Cualquier cosa que se vaya a hacer en el teleférico va a ser mejor que como está ahora. Otra opción sería demolerlo porque no sirve para nada en estas condiciones», comenta Jorge Suárez.

 

 El portavoz de los socialistes reconoz que’l teleféricu «está en una ubicación incomparable para transformarse en restaurante. Esperemos que el equipo de Gobierno lo tenga en cuenta». El plan fechu pola conseyería de Fomentu permite que lo qu’agora ye un inmueble ensin usu y ocupáu de forma illegal se tresforme nun establecimientu hosteleru. Ello dinamizaría Podes, parroquia que nun tien equipamientos d’esa triba dende’l branu de 2010, cuando les riaes llevaron buena parte d’El Molín del Puerto.

L’edificiu tiene un aspectu ruinosu. (P. F.)

El PESC conseñaba tamién que les naves de la mina de Llumeres podríen convertise en restaurán o usase como equipamientu. Esti cambéu d’usu, sicasí, ye cuestionao polos socialistes. «Va a resultar más complicado hacer algo ahí porque los terrenos no son nada estables», diz Suárez. 

 

Al so entender, el destín afayadizu pa la zona onde s’alluguen estos edificios en ruines sedría «haber hecho un puerto deportivo porque quedaría bonito para Bañugues». Nesti casu, la instalación portuaria siguiría la tradición pesquera d’esta parroquia gozoniega. L’Ayuntamientu tendrá que decidir agora si ve apropiaos los cambeos d’usu que plantega’l PESC o, de lo contrario, presentar alegaciones al plan.

1/6

¿Cómo leer la

edición impresa

de EL FARO?

La palabra de Peñas

¿Sabe de algún acto en la Comarca y quiere que lo publiquemos? ¿Tiene alguna queja, inquietud o sugerencia?

EL FARO

DE GOZÓN Y CARREÑO

Sede Social:

Calle El Cueto, 14, 3º Izq.

33430 Candás

Carreño (Asturias)

Teléfono: 985 87 25 48

Móvil: 687 979 619

e-Mail: elfaro@elfaro.as

 

DEPÓSITO LEGAL:

LU-305/05

 

Páxines n'asturianu espublizaes cola ayuda de la Conseyería de Cultura del Principáu d'Asturies

© 2005-2021 por VENTURA Y EL FARO S.L. • Prohibida su reproducción total o parcial, aún citando su procedencia, salvo permiso expreso.