Númberu 109. Xunetu 2014

La oposición quier poner una ponte de madera n’Aramar por 24.000 euros

El presupuesto yá s’unvió a Costes

Xunetu 2014 / Gozón 

PAULA FERNÁNDEZ

(Antromero / Lluanco)

 

La reforma de la ponte d’Aramar, destrozáu poles riaes de xunu de 2010, sal por unos 24.000 euros, a razón de «menos de 18.000 la pasarela y otros 6.000 euros la cimentación». Esti ye’l presupuestu más baxu que remana Foro p’adecentar esti llugar pasu a El Dique. La obra tendrá que contar col preste de Demarcación de Costes y Patrimoniu, polo que «la pasarela será de madera y los pilares se harían con cemento y lucidos de piedra», esplica Patricia González, portavoz de Foro en Gozón.

 

L’Ayuntamientu unvió esti presupuestu a Costes pa intentar que se ficiera cargu de la obra que, nun primer momentu, tasaben nunos 400.000 euros porque diben dexar la ponte d’Aramar nes mesmes condiciones qu’enantes de xunu de 2010. 

El partíu lideráu por Francisco Álvarez Cascos apuesta por una reforma «low cost», esto ye, iguar la ponte a un preciu lo más pequeño posible, teniendo en cuenta la situación económica pola que atraviesa’l Consistoriu gozoniegu. En casu de que la so propuesta vaya p’alantre, la remocicada ponte d’Aramar tendría accesu con coches, dalgo que dende Foro ven con buenos güeyos.

 

González, sicasí, critica la tranquilidá del equipu de Gobiernu sobre esti arreglu. «Llevamos cuatro años hablando de un presupuesto elevado y nadie se paró a mirar otras opciones más económicas», diz.

Esta formación reclamó repetíes vegaes que s’igüe la zona d’Aramar, ensin tener respuestes por parte del equipu de Gobiernu. 

 

​Agora, tamién pidieron presupuestu pa facer un llaváu de cara a esta área recreativa con vistes privilexaes a la costa lluanquina y la islla del Carmen. «quina y la isla del Carmen. «Arreglar los bancos, papeleras y colocar dos barbacoas costaría unos 2.200 euros, una cantidad que vemos asumible», comenta González. La edil espera, amás, que l’Ayuntamientu señalice la entrada a esta playa dende Antromero. «Apenas se ve el cartel que hay y mucha gente no sabe ni cómo se llega», diz. Amás, piden l’asitiamientu de quitamieos nuna zona onde’l tarrén argayó y que ta nuna curva pronunciada al llau de un cantil. Esti pidimientu yá foi formuláu n’otres ocasiones polos propios vecinos d’Antromero, que ven peligrosu l’accesu a El Dique.

Puente de Aramar, después de las riadas de 2010. (FERNANDO RGUEZ. «DE LA ESCRIBANA)

1/6

¿Cómo leer la

edición impresa

de EL FARO?

La palabra de Peñas

¿Sabe de algún acto en la Comarca y quiere que lo publiquemos? ¿Tiene alguna queja, inquietud o sugerencia?

EL FARO

DE GOZÓN Y CARREÑO

Sede Social:

Calle El Cueto, 14, 3º Izq.

33430 Candás

Carreño (Asturias)

Teléfono: 985 87 25 48

Móvil: 687 979 619

e-Mail: elfaro@elfaro.as

 

DEPÓSITO LEGAL:

LU-305/05

 

Páxines n'asturianu espublizaes cola ayuda de la Conseyería de Cultura del Principáu d'Asturies

© 2005-2021 por VENTURA Y EL FARO S.L. • Prohibida su reproducción total o parcial, aún citando su procedencia, salvo permiso expreso.