Númberu 112. Setiembre 2014

Perdones estrena monolitu nes fiestes de San Adriano

El pueblu gozoniegu va poner una representación en piedra de la Cruz de la Victoria con alcordanza a Felipe VI

Setiembre 2014 / Espigón 

PAULA FERNÁNDEZ (Perdones / Cardo)

 

Perdones va estrenar un monolitu pa les fiestes de San Adriano, que se festexen el 8 de setiembre, coincidiendo col Día d’Asturies. La piedra tallada va representar la Cruz de la Victoria, un símbolu de la «tierrina» qu’allá pel añu 908 mandó facer Alfonso III «El Magno» al castiellu de Gauzón. La obra va reposar onde antaño hebo un cruceru, nuna bifurcación de caminos cerca de la capiya de Perdones. «Los antiguos dicen que antes había allí una piedra con forma de mesa», comenta Víctor Manuel Sánchez.

 

La piedra sobre la que van tallar la Cruz de la Victoria va ser arenisca, anque Sánchez confiesa que-y gustaría que fuera del tipu de les qu’hai nos edificios de Cuadonga. Sobre ella, amás de tar representada la típica cruz de la bandera asturiana, van incorporar dos inscripciones na parte cimera: «908 Alfonso III. 2014 Felipe VI», los dos reis de cada dómina. La parte inferior va contener la siguiente frase: «Con este signo el piadoso es protegido. Con este signo el enemigo es vencido», «un texto que tiene mucho sentido actualmente», valora Sánchez. Tamién van figurar les cadenes característiques de San Adriano, nuna piedra que va midir 1,2 metros por unu.

 

El santu de Perdones foi unu de los primeros mártires del cristianismu. La procesión y misa de San Adriano siempres foi una cita a la que diben munchos vecinos d’otres zones. «Es una fiesta de promesa a la que acudían las personas que tienen enfermedades de las articulaciones», comenta. Anguaño, como novedá, la misa de la una de la tarde del 8 de setiembre va ser cantada pol Orfeón d’Avilés, pa quien van habilitar una carpa a la entrada de la capiya por si llueve.

 

Víctor amuesa’l bocetu de la piedra tallada que va reposar cerca de la capiya de Perdones. (P. F.)

Emponderar la relixón de la fiesta de Perdones foi una constante pola qu’apuesten dellos vecinos del barriu d’El Palombo. Pero la romería nun se va quedar na lliturxa. Les tradiciones, eso sí, van ser la nota característica de los dos díes de folixa.

 

Asina, Sánchez recuerda qu’eses xornaes el postre típicu van ser les uves, una fruta qu’antaño suponía un manxar pa los vecinos porque teníen que comprales nos mercaos y non de la so propia tierra.

 

Sánchez, que ye propietariu de La Quintana de Manuela, nun descansa nel so enfotu por caltener les tradiciones de Perdones. Encargó pola so cuenta un altar pa la capiya a un carpinteru de Candás.

Y ye qu’hasta hai poco, l’edificiu relixosu tenía una pila bautismal de piedra escondida debaxo d’un santu, daqué qu’inclusive’l párrocu de Santiao d’Ambiedes nun entendía por qué taba ellí. Agora recuperáronla.

 

1/6

¿Cómo leer la

edición impresa

de EL FARO?

La palabra de Peñas

¿Sabe de algún acto en la Comarca y quiere que lo publiquemos? ¿Tiene alguna queja, inquietud o sugerencia?

EL FARO

DE GOZÓN Y CARREÑO

Sede Social:

Calle El Cueto, 14, 3º Izq.

33430 Candás

Carreño (Asturias)

Teléfono: 985 87 25 48

Móvil: 687 979 619

e-Mail: elfaro@elfaro.as

 

DEPÓSITO LEGAL:

LU-305/05

 

Páxines n'asturianu espublizaes cola ayuda de la Conseyería de Cultura del Principáu d'Asturies

© 2005-2021 por VENTURA Y EL FARO S.L. • Prohibida su reproducción total o parcial, aún citando su procedencia, salvo permiso expreso.