Númberu 113. Ochobre 2014

L’alcalde evitar dar información acerca de pleitos del Consistoriu

Ángel Riego argumenta que l’accesu

a los espedientes pola cesión del

Paséu Marítimu y la obra del Centru d’Estudios Musicales ríxense

por «las normas procesales»

Ochobre 2014 / Carreño 

PAULA FERNÁNDEZ (Candás)

 

L’alcalde evita dar información a la oposición sobre dellos pleitos nos que ta somorguiáu’l Conceyu. Son dos xuicios contra’l Principáu pola cesión del paséu marítimu y la construcción del Centru d’Estudios Musicales, una obra pendiente d’executase por parte del Gobiernu autonómicu, que se proxectaba como la inversión más alta de les actuaciones feches con cargu al Plan «A», que cuntaba con un presupuestu global de 581.584 euros. L’estancamientu d’esti proyectu, que se presentó’l 5 de marzu de 2010 nel salón de Plenos del Consistoriu, foi la causa principal de que la Corporación aprobara denunciar al Principáu.

 

El Partido Popular quier saber cuálos fueron les argumentaciones del Conceyu de Carreño nestos xuicios. Pa ello, unviaron una carta al alcalde, a la qu’Ángel Riego respondió que «tales documentos se encuentran en los correspondientes autos judiciales y no en expedientes administrativos municipales, por lo que el acceso a los mismos se rige por las normas procesales». El líder de los populares, José Ramón Fernández Gutiérrez, entiende que tolos partíos de la Corporación tendríen de conocer los argumentos qu’emplegó’l Conceyu en dambos xuicios. Razona que «con la ley de transparencia, los informes jurídicos forman parte de la información que ha de ser pública».

 

Fernández Gutiérrez, en primer términu, nun entiende’l por qué Ángel Riego,a última hora, evita dar información. (L. V.)

L’argumentu Fernández Gutiérrez topa col del rexidor, que fai alusión a que l’accesu a esta documentación «se rige por las normas procesales», esto ye, que solo les partes implicaes nel xuiciu pueden conocer los detalles del mesmu. Nesti puntu, el PP considera que tanto l’equipu de Gobiernu como’l restu de la Corporación son parte interesada, yá qu’ensin los votos del restu de conceyales, el Conceyu nun determinaría demandar al Principáu por estos asuntos. «No me entra en la cabeza que un concejal no pueda acceder a un escrito de demanda del propio Ayuntamiento. En el fondo, estamos ante un asunto de oscurantismo por razones políticas», valora.

1/6

¿Cómo leer la

edición impresa

de EL FARO?

La palabra de Peñas

¿Sabe de algún acto en la Comarca y quiere que lo publiquemos? ¿Tiene alguna queja, inquietud o sugerencia?

EL FARO

DE GOZÓN Y CARREÑO

Sede Social:

Calle El Cueto, 14, 3º Izq.

33430 Candás

Carreño (Asturias)

Teléfono: 985 87 25 48

Móvil: 687 979 619

e-Mail: elfaro@elfaro.as

 

DEPÓSITO LEGAL:

LU-305/05

 

Páxines n'asturianu espublizaes cola ayuda de la Conseyería de Cultura del Principáu d'Asturies

© 2005-2021 por VENTURA Y EL FARO S.L. • Prohibida su reproducción total o parcial, aún citando su procedencia, salvo permiso expreso.