Númberu 114. Payares 2014

Medianueche del 6 d’ochobre. Fumu que sal d’una de les chimenees d’Alcoa-Inespal. (F. J. M. P.)

Llaviana pide la vixilancia de

les emisiones

de les fábriques

Payares 2014 / Gozón

PAULA FERNÁNDEZ (Llaviana)

Los vecinos de Llaviana critiquen les emisiones que sufre la parroquia de Gozón y piden una vixilancia de los inspectores de Mediu Ambiente. Les últimes fotografíes tomaes al respective daten de la medianueche del 6 d’ochobre, onde pue vese una gran columna de fumu que salía de les chimenees d’Alcoa-Inespal, una de les fábriques de la zona. Francisco José Muñiz Pérez, que vive enfrente de la factoría, asegura qu’esti fumu «proviene del horno donde funden el material para hacer aluminio y huele mal, aunque no tanto como la depuradora», esplica. Afortunadamente, sigue, «casi nunca va hacia las casas porque para que venga hasta aquí tiene que soplar viento del suroeste. Normalmente el polvo se dirige hacia Avilés y Ambiedes y se queda estancado en la zona de El Estrellín», diz.

Énte esta situación, el que formó parte de la directiva de la desapaecida asociación vecinal Enlaze, pregúntase: «¿Dónde están los inspectores de Medio Ambiente?».

Agora, va intentar falar colos responsables d’Alcoa «para que tomen medidas. Luego, si no hacen nada, denunciaré porque esto no se puede permitir. Laviana está rodeada por Aleastur, la depuradora, Chemastur y el puerto de Avilés», repostia.

Muñiz Pérez faló col fiscal xeneral del Principáu sobre la situación d’esta parroquia «Me dijo que había un límite de polución que no podían sobrepasar. Pero, ¿quién demuestra que contaminan en los días que no hay inspectores?», pregúntase. La respuesta podría atopase nes resultancies de les estaciones de midida d’esti añu, que se van conocer en 2015. Pel momentu, Ecoloxistes n’Acción criticó n’ochobre que na estación de Campu de Tiru (Alcoa-Inespal) en 2013 pasaron les 35 superaciones diaries máximes en partícules en suspensión (PM10) dexaes pola Organización Mundial de la Salú (OMS).

Anque los peores rexistros tuvieron llugar nes estaciones de Montiana, en Xixón, y nes estaciones de Depuradora y Mataderu, entrambes n’Avilés.

Esti vecín yá topetó frontalmente cola Xusticia al denunciar ante la Fiscalía al Puertu d’Avilés pol fuerte ruíu y la suciedá que se produz coles descargues de material de los barcos. «Me contestaron que habían archivado la causa pese a calificar de “grave” la infracción. Que en todo caso tendría una sanción administrativa por lo civil y que para acudir al ámbito penal tendría que haber varias denuncias», rellata. Muñiz Pérez acompañó más de 100 firmes de los vecinos a la so denuncia.