Númberu 114. Payares 2014

Carlos Albo Kay. (PAULA FERNÁNDEZ)

La oposición ve irregularidaes 

nun informe

sobre’l remanente

Tres grupos políticos esixen que s’abra un espediente

al autor del documentu

Payares 2014 / Carreño 

PAULA FERNÁNDEZ (Candás)

 

Tres grupos de la oposición denuncien delles «irregularidades» nun informe ellaboráu pol arquiteutu técnicu municipal sobre’l remanente de tesorería de 2013. Partido Popular, Unión Independiente de Carreño y Carreño Unido presentaron una denuncia al alcalde’l 14 d’ochobre, conseñando qu’hubiera una «infracción disciplinaria».

 

Y ye que’l funcionariu en cuestión, según estes agrupaciones, detalló que les obres con destín al remanente de 2013 tendríen que tar remataes primero de qu’acabara l’añu. Por ello, desestimaron les alegaciones presentaes por «casi medio centenar de vecinos» y estos partíos, xunto con Foru, nes que pidíen facer medrar la partida de saneamientu en 125.000 euros (de 18.000 a 143.000) «detrayendo dicha cantidad de los denominados huertos ecológicos». 

 

L’informe del arquiteutu técnicu municipal dicía sobre esti asuntu que «difícilmente se puede considerar que hay plazo suficiente dado que los importes consignados han de facturarse con anterioridad a la finalización del año en curso».

 

El documentu aludía a la disposición adicional sesta de la Llei Orgánica 2/2012. Esta afirmación «resultó esencial en el conjunto de argumentos para desestimar las reclamaciones presentadas», yá que si fuera como diz esti funcionariu, nun podríen desenvolver la obra en cuestión  primero de qu’acabara 2014.

 

La oposición considera que l’informe «omite la norma que regula los plazos de ejecución de las obras» (disposición final primera del Real Decretu Llei 2/2014). Esti reglamentu diz: «en el supuesto de que un proyecto de inversión no pueda ejecutarse en 2014, la parte restante del gasto comprometido en 2014 se podrá reconocer en el ejercicio 2015». 

Énte ello, populares, independientes y Carreño Unido cuestionen la oxetividá d’esti funcionariu. «Entendemos que existe un comportamiento que debe ser investigado en el ámbito del correspondiente expediente disciplinario, por poder ser constitutivo de una o varias infracciones». Citen otres anomalíes, como que «un funcionario que no tiene encomendadas funciones de análisis jurídico ni de contenido económico-financieras, entra a discernir en su informe aspectos que están en un ámbito funcional y de conocimiento que no le corresponde». 

 

Amás, los populares critiquen qu’a esti funcionariu concediéren-y la compatibilidá p’actividaes privaes por silenciu alministrativu. L’arquiteutu técnicu solicitó poder trabayar tamién fuera del Conceyu en setiembre de 2012. «La oposición pidió información adicional antes de decidir y el alcalde no llevó el asunto al Pleno. Este fue un hecho excepcional», comenta José Ramón Fernández Gutiérrez. El voceru del PP añade que «es curioso que el funcionario de los informes tenga compatibilidad para trabajar fuera del Ayuntamiento por ese procedimiento excepcional».

 

SUBVENCIONES PA ENGANCHASE AL SANEAMIENTU

El Conceyu saca una nueva convocatoria de subvenciones pa enganchase a la rede de saneamientu, destinada a los vecinos de Candás, como puen ser los de la cai Carlos Albo Kay, y a los qu’arramen agua negro a la bahía de Perán (Perlora). Asina lo alcordaron el 24 d’ochobre nuna Comisión estraordinaria de Mediu Ambiente. L’equipu de Gobiernu tien acutada una partida de 30.000 euros pa ello, que provién del presupuestu prorrogáu. Ye la segunda ocasión en que’l Consistoriu aprueba conceder subvenciones pa esti fin. La primer vegada foi en 2013, tres l’alcuerdu ente socialistes y Compromisu por Carreño. Por mor d’esta serie de subvenciones, la comunidá de vecinos númberu 18 de Carlos Albo yá empezó a facer obres nel interior del edificiu pa conectase a la rede municipal de saneamientu. El Conceyu, pela so parte, comprométese a llevar un ramal del colector hasta la puerta de caún de los portales que siguen vertiendo directamente al Río Rita.

 

Los interesaos tendrán que presentar la solicitú y tola documentación que s’esixe nes bases enantes de 15 díes dempués de que se publique nel Boletín Oficial del Principáu d’Asturies. Depués, el Consistoriu va resolver qué ayuda va dar a caún nel plazu máximu d’un mes. Les solicitúes que cumplan lo establecío pol equipu de Gobiernu van recibir una ayuda dependiendo de los ingresos de la unidá familiar, pero que nunca va ser mayores de 1.500 euros. 

1/6

¿Cómo leer la

edición impresa

de EL FARO?

La palabra de Peñas

¿Sabe de algún acto en la Comarca y quiere que lo publiquemos? ¿Tiene alguna queja, inquietud o sugerencia?

EL FARO

DE GOZÓN Y CARREÑO

Sede Social:

Calle El Cueto, 14, 3º Izq.

33430 Candás

Carreño (Asturias)

Teléfono: 985 87 25 48

Móvil: 687 979 619

e-Mail: elfaro@elfaro.as

 

DEPÓSITO LEGAL:

LU-305/05

 

Páxines n'asturianu espublizaes cola ayuda de la Conseyería de Cultura del Principáu d'Asturies

© 2005-2021 por VENTURA Y EL FARO S.L. • Prohibida su reproducción total o parcial, aún citando su procedencia, salvo permiso expreso.