Númberu 116. Xineru 2015

Casa Consistorial. (P. F.)

El Conceyu pagó un 18% de les 24 deldes

Solicitó préstamos y creitos a seis entidaes; queda-y por

amortizar cerca de 15 millones y mediu de euros

Xineru 2015 / Gozón 

PAULA FERNÁNDEZ (Lluanco)

 

El Conceyu pagó un 17,8% de les 24 deldes que tien pendientes con bancos, caxes d’aforros y l’Estáu. Solicitó préstamos y llinies de creitu por un valir total de 18.807.273 euros, de los que queden por amortizar 15.460.356 euros, como figura nun documentu del Ministerio de Hacienda y Administraciones Públicas nel que detallen les operaciones de riesgu del Consistoriu. 

 

13 partíes correspuenden a deldes cola Alministración Xeneral del Estáu, ente les que s’atopen el famosu Plan de Pago a Proveedores. Xuntes sumen un negativu de 7.447.078 euros. El Conceyu caltién abiertes cuatro llinies de creitu cola Caja Rural de Asturias que xuben a 3.180.532 euros; amás de dos deldes col Banco de Crédito Local de España por valir de 2.358.132 euros; otres tantes con Liberbank (ante Cajastur), de 1.562.667. Completen el llistáu d’operaciones de riesgu dos préstamos solicitaos al BBVA con un montante por amortizar de 758.388 euros, y una delda contrayida col Banco Santander de 153.559 euros.

El Conceyu tien pendientes de liquidar estos préstamos, solicitaos dende agostu de 1999 hasta xineru de 2014. La media d’años alcordaos coles entidaes pa amortizar los creitos ye de 10 años, anque en dellos casos supera los 15 y llega inclusive a los 20. El supuestu nel que tienen dos décades p’abonar la delda ye un préstamu que solicitaron a Liberbank de 770.000 euros, con un interés variable que resulta d’aplicar l’Euribor con un marxe d’interés del 3,5%.

 

AFORRU DE 181.000€

L’equipu de Gobiernu presentó una propuesta al restu de la Corporación pa que esti montante de delda dexe de financiase al traviés de les llinies del Instituto de Crédito Oficial (ICO), pertenecientes al Estáu, y pasara a bancos. Con ello, rebaxen el porcentaxe de los intereses, lo que supón un aforru considerable pal Conceyu, yá que va axustar con estes entidaes quitaes les cláusules de cada creitu. Esta midida aprobóse nel Plenu del 12 d’avientu. El conceyal y ex alcalde Salvador Fernández detalló nesta sesión plenaria qu’esti cambéu supondría un aforru d’unos 181.000 euros nel primer añu pal Consistoriu.

1/6

La palabra de Peñas

¿Sabe de algún acto en la Comarca y quiere que lo publiquemos? ¿Tiene alguna queja, inquietud o sugerencia?

EL FARO

DE GOZÓN Y CARREÑO

Sede Social:

Calle El Cueto, 14, 3º Izq.

33430 Candás

Carreño (Asturias)

Teléfono: 985 87 25 48

Móvil: 687 979 619

e-Mail: elfaro@elfaro.as

 

DEPÓSITO LEGAL:

LU-305/05

 

Páxines n'asturianu espublizaes cola ayuda de la Conseyería de Cultura del Principáu d'Asturies

© 2005-2021 por VENTURA Y EL FARO S.L. • Prohibida su reproducción total o parcial, aún citando su procedencia, salvo permiso expreso.