Númberu 117. Febreru 2015

Exemplar atopáu. (CEPESMA)

Apaez muerta una fema de delfín de 60 quilos en Verdicio

Cepesma valora que l’animal finó fai más d’un mes pol estáu de descomposición

Febreru 2015 / Gozón 

PAULA F. SUÁREZ (Verdicio)

 

Una fema de delfín común varó na sablera de Verdicio’l 24 de xineru. Vecinos, que taben nel arenal, avisaron a la Guardia Civil. Depués, Cepesma (Coordinadora pal Estudiu y Proteición de les Especies Marines) allegó ellí pa intentar recuperar el calabre del animal col envís d’investigar sobre cómo morrió y l’estáu en que s’atopaben los sos muérganos vitales.

 

El presidente de la coordinadora, Luis Laria, tenía cuenta de facer una necropsia al delfín na sede de l’asociación allugada en L.luarca. Sicasí, la climatoloxía fixo imposible’l treslláu de los restos del mamíferu. «Le practicamos una biometría para saber sus medidas corporales y sacamos una muestra del tejido», esplica Laria.

 El delfín, d’unos 60 quilos, taba n’avanzáu estáu de descomposición, colo que «ya no tenía apenas valor científico», d’ehí que nun hubiera una segunda intentona pa sacalu del arenal. Cepesma envalora que’l delfín finó fai más d’un mes y depués aportó a Verdicio. Al paecer, los encargaos de recoyer l’exemplar de la sablera fueron operarios del Conceyu. Esta especie ye bien común nel Cantábricu, pero en contaes ocasiones déxense ver cabo la playa. Asocedió’l 13 d’agostu de 2011 en La Ribera. Un exemplar d’unos dos metros de llargu apaeció vivu y desnortiáu nesa zona y foi un pescador local el que llogró llevalu dende ellí hasta alta mar. 

 

N’otru orde de coses, el Marino de Lluanco xugó a media lluz nel partíu contra’l Coruxo, el 11 de xineru. Esa foi la primer xornada del añu en qu’encendíen les torres de lluz de Miramar «desde hacía unos 20 días», según rellata Luis Gallego. El presidente del club de fútbol detalla que los lladrones llevaron «alrededor de 700 metros de cable», que fixeron que dos de les torres quedaren apagaes pal alcuentru. La entidá avisó darréu a la Guardia Civil, yá qu’había axentes nel campu nesi momentu, como de costume, y tramitaron la correspondiente denuncia. Queda por aclariar quién fueron los lladrones y cómo entraron, anque Gallego cree que «pudieron saltar el muro y abrir la puerta desde dentro», diz.

1/6

La palabra de Peñas

¿Sabe de algún acto en la Comarca y quiere que lo publiquemos? ¿Tiene alguna queja, inquietud o sugerencia?

EL FARO

DE GOZÓN Y CARREÑO

Sede Social:

Calle El Cueto, 14, 3º Izq.

33430 Candás

Carreño (Asturias)

Teléfono: 985 87 25 48

Móvil: 687 979 619

e-Mail: elfaro@elfaro.as

 

DEPÓSITO LEGAL:

LU-305/05

 

Páxines n'asturianu espublizaes cola ayuda de la Conseyería de Cultura del Principáu d'Asturies

© 2005-2021 por VENTURA Y EL FARO S.L. • Prohibida su reproducción total o parcial, aún citando su procedencia, salvo permiso expreso.