Número 122. Julio 2015

Obres nel teyáu de Remo na mañana del 19 de xunu. (PAULA FERNÁNDEZ)

Repárase parte del teyáu de Remo

pa evitar el so esbarrumbe

La nave de lo que foi fábrica de conserves sufre

goteres por cuenta de que’l falsu techu de rupia ta podre

Julio 2015 / Carreño 

PAULA FERNÁNDEZ  (Candás)

 

Los propietarios de l’antigua fábrica Remo encargaron a una empresa local l’arreglu d’unu de los bistechos del teyáu más antiguu, esto ye, el más próximu a la plaza d’El Cueto porque «está en muy malas condiciones», conseñaron dende Construcciones Tivo. La obra fízose’l 19 de xunu. 

 

L’encargáu de la empresa, Primitivo Rodríguez Vior «Tivo», esplicó’l pésimu estáu de la cubrición en que «en aquella época, colocaban la viga de madera que sustenta el tejado sin dejarla secar del todo. Con el peso, cede y luego es imposible enderezarla». D’ehí que tea fundíu per delles zones, espardiérense un bon númberu de teyes y entre l’agua. Les filtraciones débense sobre manera a una mala posición de les teyes que conducen l’agua. «El falso techo de madera de rupia está pudriéndose», lo que pue facer que dexe la cubierta. D’ehí la importancia del so necesariu arreglu: evitar un derrumbe del edificiu.

 

 Los obreros valoraron que, de nun tomar midíes, el teyáu podría venise embaxo cualquier día, como asocedió cola antigua conservera Ortiz la madrugada del 7 de xineru de 2010. Con solo una güeyada, vese claramente la so mala traza. «En 1978 ya hice reparaciones aquí, en la zona donde estaban las calderas. El tejado era el mismo que ahora», esplicó Rodríguez Vior «Tivo». Paez ser que dende entós nun s’acometieron arreglos importante nesta nave. 

 

 

Los mesmos obreros avisen de que «el tejado puede ceder en cualquier momento si se sube a él una persona», por cuenta de la so mala traza. Ello ye que’l so arreglu sedría mui costosu porque habría qu’anovar tola cubierta interior, fecha con tablones enllazaos de madera de rupia, güei bien deterioraos.

 

Per otru llau, dende la constructora valoraron que’l restu de cubiertes metáliques tán en bones condiciones y nun precisen, hasta agora, renovación.

 

ENSIN COMPRADORES

La familia Prendes, propietaria de l’antigua fábrica de conserves Remo, lleva seis años intentando da-y salida a les naves de la cai San Antonio. Remo treslladóse al polígonu xixonés de La Peñona en 2009, a pesar de los intentos del Conceyu de Carreño pa evitar la so marcha. Hasta agora, naide s’interesó en facese cargu d’esti inmueble, a pesar de que ta allugáu nel centru de Candás, a pocos metros de la Casa Conceyu. El Plan Xeneral d’Ordenación Urbana (PXOU) de Carreño establez qu’esti espaciu pue allugar hasta seis viviendes en tres altures. La edificabilidá podría ser de baxu, primer planta y baxocubierta. Amás, la unidá d’actuación marca que tienen que dexar l’apertura d’una conexón peatonal cola zona d’aparcamientu de la cai San Félix y prohiben l’usu residencial na planta baxa. 

 

El documentu urbanísticu indica que l’edificiu forma parte del Patrimoniu Históricu Industrial. Al nun cuntar con ufiertes pal so desenvolvimientu urbanísticu, les naves sufrieron un deterioru pasu ente pasu.

 

1/6

La palabra de Peñas

¿Sabe de algún acto en la Comarca y quiere que lo publiquemos? ¿Tiene alguna queja, inquietud o sugerencia?

EL FARO

DE GOZÓN Y CARREÑO

Sede Social:

Calle El Cueto, 14, 3º Izq.

33430 Candás

Carreño (Asturias)

Teléfono: 985 87 25 48

Móvil: 687 979 619

e-Mail: elfaro@elfaro.as

 

DEPÓSITO LEGAL:

LU-305/05

 

Páxines n'asturianu espublizaes cola ayuda de la Conseyería de Cultura del Principáu d'Asturies

© 2005-2021 por VENTURA Y EL FARO S.L. • Prohibida su reproducción total o parcial, aún citando su procedencia, salvo permiso expreso.